Shree National Secondary School Shamipur श्री राष्ट्रिय माध्यमिक विधालय शमीपुर

यस सेवा क्षेत्र भित्रका अभिभावकहरुको अपार माया, स्नेह, सहयोग र सद्भाव प्राप्त गरेर शैक्षिक सत्र २०४६।०४७ मा सोहि वडाकै शिक्षाप्रेमी अभिभावक, जनप्रतिनिधिहरु, समाजसेवीहरु आदिको विशेष पहलमा समुदायका बालबालिकाहरुलाई उचित तथा गुणस्तरीय शिक्षा प्रदान गर्नका निम्ती एउटा विद्यालयको आवश्यकता महशुश गरी तत्कालिन वडाध्यक्ष श्री प्रताप सिंह घलानको नेतृत्वमा स्थानीय सुन माया थिङको जग्गामा ५ धुर जग्गा प्राप्त गर्ने आश्वाशनमा एउटा सानो छाप्रो निर्माण गरी श्री रा.प्रा.वि.निउरेनी शक्तिखोर–९ बाट सरुवा भई आउनु भएको शिक्षक श्री नवराज ढकालबाट कक्षा सञ्चालन गरी पठनपाठन सुरु गरिएको हो । पछि स्थानीय समाजसेवी, बुद्धिजिवी व्यक्तित्व श्री प्रेमसागर सुबेदी ज्यूबाट विद्यालयलाई १ कठ्ठा जग्गा उपलब्ध गराउने मन्जुरी भएकाले मिति २०४८।०९।०९ मा यस विद्यालय उक्त जग्गामा सारियो ।

शैक्षिक सत्र २०५१।०५२ मा अर्काे एउटा ब्लक भवन २ कोठाको निर्माण भई कक्षा ५ सञ्चालनमा आयो । साथै आवश्यक फर्निचर समेतको निर्माण कार्य भयो । हाल उहि ३ वटा ब्लक र अर्काे थप २ वटा भवन पदमपुर हस्तान्तरण आयोगद्धारा विद्यालयलाई प्राप्त ३५ कठ्ठा जति क्षेत्रफल भएको ऐलानी अर्काे ग्राउण्डमा निर्माण भई ५ वटा भवनका १७ वटा कोठामा १९ वटा कक्षाहरु सञ्चालन भईरहेका छन् र एक कार्यालय कोठा छ ।

• कक्षा १ देखि ५ सम्मको संचालन अनुमति २०४६ चैत्र २६ गते प्राप्त भएको थियो।
• कक्षा ६ को संचालन अनुमति २०७३ चैत ३० गते प्राप्त भएको थियो।
• कक्षा ७ को संचालन अनुमति २०७५ भाद्र ७ गते प्राप्त भएको थियो।
• कक्षा ८ को संचालन अनुमति २०७६ जेष्ठ १४ गते प्राप्त भएको थियो।
• कक्षा ९ को संचालन अनुमति २०७९ असोज १ गते प्राप्त भएको थियो।
• कक्षा १० को संचालन अनुमति २०८० श्रावण २६ गते प्राप्त भएको थियो।